Ҳамкорлар

Биз тўплаган муваффақиятли тажриба, билим ва соҳадаги компаниялар билан мустаҳкам ҳамкорлик алоқалари энг муносиб гўшт хўжалиги яратишда сизга ёрдам беради. Биз сиз учун ҳамма нарсани энг майда тафсилотларгача ҳисоблаб чиқамиз: тўсиқлар, қуёшдан ҳимоя қилиш, жониворлар билан ишлаш учун дастгоҳлар, сувдонлар ва ҳаракатланадиган оғиллардан тортиб то ташиш учун тиркама-ю, электрон чўпонларгача.

Биз Jizzax Organic томонидан махсус ишлаб чиқилган ва етиштирилган озуқаларни ҳам тақдим этишимиз мумкин — уларнинг таркибида жониворлар организмидаги микроэлементлар мувозанатини тўғри сақлаш учун зарур бўлган силос, пичан, беда, кепак, похол, маккажўхори, минерал қўшимчалар мавжуд. Биз ишлаб чиқарган озуқа экструдерлаш ва буғ тегирмони орқали тайёрлов жараёнидан ўтказилади, бу эса озуқанинг ҳазм бўлишини икки баравар ошириш имконини беради.

Jizzax organic компанияси ҳамкорлик қилиш ниятида бўлган фермерларни гўшт хўжалигини юритиш учун зарур нарсалар билан таъминлаб, боқувга етти ойлик бузоқлар сотиб олиш имконини тақдим этишга тайёр.

Jizzax organic қишлоқ хўжалиги миллий кластери маҳаллий чорвачилик фермер хўжаликларига замонавий ва даромадли сут хўжалигини нолдан бошлаб яратишга ёрдам бериш учун барча ресурс ва билимларга эга.

Jizzax organic ҳамкорлари сирасидан бўлган таъминотчилар билан биргаликда лойиҳа ишлаб чиқамиз, барча керакли жиҳозларни танлаб оламиз, буюртма берамиз ва ўрнатамиз. Сут фермаси сувдонлар, иқлим назорати тизимлари, гўнгдан тозалаш тизимлари, озуқа аралаштиргичлар ва турли ишларни бажарувчи ускуналар билан таъминланади.

Наслчилик, маҳаллий ҳайвонлар генофондини яхшилаш ва ҳосилдорликни ошириш учун маҳаллий фермерларга Голштейн ва Жерси зотларини таклиф етамиз.

Сигирлар Jizzax organic мутахассислари томонидан махсус ишлаб чиқилган, етиштирилган ва тайёрланган сара ва мувозанатлантирилган озуқа билан таъминланади.

Jizzax organic жамоаси қўйчилик хўжалиги ташкил этилишини қўллаб-қувватлашга тайёр. Бизнинг мутахассисларимиз иқлим ва ер хусусиятларини ҳисобга олган ҳолда ҳайвонларни сақлаш учун яйловлар ва бошқа тегишли шароитларни ташкил этишга ёрдам беради. Улар пода учун тўғри овқатланишни ташкил қилади ва зарур озуқа билан таъминлайди.

Ҳамкорликдан манфаатдор фермерлар учун Jizzax organic юқори маҳсулдор Дорпер зотли совлиқ қўй ва қўчқорларни таклиф етади. Бу зот қўйлари гўшти аъло хусусиятларга эга, қўйларнинг ўзлари эса чидамли ва иммунитети мустаҳкам, шунингдек тез етилиши билан ажралиб туради.

Подани ташкил етиш учун 50 бош миқдорида қўчқорларни, уруғлантиридган қўйларни сотиб олишингиз мумкин.

Jizzax organic қишлоқ хўжалиги кластерининг кўлами нафақат ички экотизим эҳтиёжларини қондириш учун ем-хашак ишлаб чиқариш, балки маҳаллий фермерларга мувозанатли озуқа етказиб бериш имконини ҳам беради.

Jizzax organic фермаларидаги жониворлар рациони фақат энг яхши табиий ўсимликлар ва озиқ моддаларга асосланган. Миллий қишлоқ хўжалиги кластери юқори сифатли озуқа етиштириш учун кенг ер ресурслари, замонавий асбоб-ускуналар, тажриба ва билимларга эга. Замонавий технологиялар ўсимликларни улар озуқавий моддаларга энг тўйинган даврида йиғиб олиш имконини беради. Озуқаларни улар таркибидаги фойдали микроэлементларни сақлаб қолиш учун барча шароитлар мавжуд бўлган озуқа омборларида тайёрлаймиз ва сақлаймиз.

Компаниямизда тупроқсиз, озуқа моддалари эритмасида ўсимликларни ўстириш ва экструдерлаш йўлга қўйилган, шунингдек шахсий буғ тегирмонимиз ҳам бор. Улар ёрдамида жониворлар учун тайёрланган озуқанинг ҳазм бўлишини икки баравар оширамиз.

Озуқа билан узлуксиз таъминлашни йўлга қўйиш учун Jizzax organic селекционерлари маккажўхори, буғдой, сули, беда, бир йиллик ва кўп йиллик яйлов ўтларининг элита уруғларини етиштирадилар.

Донли экинларни етиштириш учун биз сизни барча зарур воситалар — техника, ўзимиз ишлаб чиқарган органик ўғитлар, суғориш тизимларини лойиҳалаштириш ва ўрнатиш — билан таъминлаш ва олинадиган ҳосил учун бўнак беришга тайёрмиз.

Яқин келажакда Jizzax organic Ўзбекистон ички бозорини мармар гўшти, А2 сути, юқори сифатли қўй гўшти билан тўйинтириш бўйича етакчи корхоналардан бирига айланади. Бугунги кунда бу ерда: гўшт ишлаб чиқариш учун — “Абердин Angus” (Black Angus) ва Wuggu, сут ишлаб чиқариш учун — Голштейн ва Жерси, қўйчиликда— Дорпер элита зотлари етиштирилмоқда.

Jizzax organic фермерлар харид қилиши учун қуйидагиларни таклиф қилади:

• гўшт берувчи зотларнинг ғунажинлари;
• буқа уруғи.

Шунингдек қуйидагиларни сотиб олишга ҳам тайёрмиз:

• Уруғланишга қодир соғлом сигирлар.
• Гўшт берувчи зотларнинг уруғлантирувчи буқаларидан туғилган бузоқлар.
  
  

Селекцион-генетик марказимиз мутахассислари эмбрионни кўчириб ўтказиш, ветеринария ёрдами кўрсатиш ва чорвачиликнинг замонавий усулларини ўргатишга тайёр.